Dy vjet pas tërmetit të 26 nëntorit, inxhinierja Luljeta Bozo thotë se rreziku nga lëkundjet do të jetë gjithnjë prezent për shkak të aktivitetit sizmik. “Shqipëria ndodhet në ndarjen e pllakave tektonike, ndaj gjithmonë do të ketë aktivitet sizmik”, tha Bozo.
Si një garanci për sigurinë e qytetarëve, Bozo sheh kontrollin e cilësisë së ndërtimeve në vend. “Duhet parë materialet që përdoren dhe të zbatohet legjislacioni”.
Procesin e rindërtimit Bozo e sheh si një dhuratë të qeverisë për qytetarët, të cilët sipas saj kanë përfituar shtëpi shumë më të mira seç i kanë pasur.
“Ku kishin menduar ata në fshat se do të kishin vila, me banja, nga kasolle që kanë patur më parë”.