Agjencia Europiane e Barnave ka thënë se nuk është e nevojshme bërja e një vaksine të tretë kundër Covid-19 për personat që janë të vaksinuar.
Në një raport të publikuar ditën e sotme thuhet se bazuar në dëshmitë aktuale, nuk ka nevojë urgjente për administrimin e dozave përforcuese të vaksinave për individët plotësisht të vaksinuar në popullatën e përgjithshme.
Raporti gjithashtu vëren se doza shtesë tashmë duhet të merret parasysh për njerëzit me sistem imunitar të dobët.
Më tej, theksohet se dëshmitë mbi efektivitetin e vaksinës dhe kohëzgjatjen e mbrojtjes tregojnë se të gjitha vaksinat e përdorura në BE janë efektive dhe parandalojnë shtrimet në apital dhe format e rënda të sëmundjes.
Në raport theksohet gjithashtu se 1 në 3 të rritur mbi 18 vjeç ende nuk është vaksinuar plotësisht. Në këtë situatë, përparësia duhet të jetë te vaksinimi i të gjithë atyre individëve që duhet të bëjnë dozën e parë apo të dytë.
Për të plotësuar përpjekjet e vaksinimit, është gjithashtu thelbësore të vazhdohet me zbatimin e masave të tilla si distancimi fizik, higjiena e duarve dhe frymëmarrjes dhe përdorimi i maskave të fytyrës aty ku është e nevojshme, veçanërisht në mjedise me rrezik të lartë, siç janë objektet e kujdesit afatgjatë ose repartet spitalore me pacientë në rreziku i rëndë COVID-19.
EMA thotë se është e rëndësishme të bëhet dallimi për njerëzit me sistem imunitar normal dhe për ata me sistem imunitar të dobësuar, sa i takon injektimit të dozës së tretë të vaksinës.
Disa studime raportojnë se një dozë shtesë vaksine mund të përmirësojë përgjigjen imune tek individët që kanë kryer transplant organesh, apo që kanë sëmundje të rënda kronike. Në raste të tilla, opsioni i administrimit të një doze shtesë duhet të konsiderohet tashmë.
Pavarësisht kësaj, EMA do të vijojë të vlerësojë të dhënat nga infektimet gjatë muajve në vijim për të dalë në një përfundim final nëse do të duhet apo jo një dozë e tretë.
