Deputeti i PD-së zyrtare, Arbi Agalliu, thotë se grupi i tyre me 7 deputetë nuk do të bëhet pjesë e pazarit të Berishës dhe Ramës.
“Lojërat e ulëta të tyre janë thjesht për t’i hedhur hi syve qytetarëve. Pazari i tyre është i qartë, luftë kundër SPAK-ut dhe amnisti për të korruptuarit”, shkruan Agalliu.
Reagimi erdhi pas deklaratës së Gazment Bardhit se 4 deputetët e Bashës kanë refuzuar të bashkojnë firmat për të ridërguar në Gjykatë Kushtetuese mandatin e Olta Xhaçkës.
Postimi i plotë
Partia Demokratike nuk është edhe nuk do të bëhet pjesë e pazarit të Berishës dhe Ramës.
Lojërat e ulëta të tyre janë thjesht për t’i hedhur hi syve qytetarëve. Pazari i tyre është i qartë, luftë kundër SPAK-ut dhe amnisti për të korruptuarit.
S’ka asnjë koicidencë. Në ditën që kryetari i grupit të Linditës (të cilës ju amnistua edhe vila që e denonconte në çdo seancë) kërkon kthimin e Berishës në PD, amnistohet Olta Xhaçka.
