Interi mori një fitore të thjeshtë 3-0 në fundjavë ndaj Spezias, duke vijuar ecurinë perfekte. Lajmi më i mirë ishte dhe aktivizimi në minutat e fundit, i talentit të kombëtares sonë, Kristjan Asllani.
Pas paraqitjeve shumë të mira në fazën përgatitore, rikthimi i Brozovic, bëri që hapësirat të jenë më të pakta, por nuk është se do të mungojnë. Faqja zyrtare e Seria A së fundmi nuk i ka kursyer elozhet për të në rrjetet sociale.
“Ahhhhhh Kristjan Asllani …”, shkruhet në një postim, duke e bashkëshoqëruar dhe me driblimin shumë të bukur të bërë prej tij ndaj një lojtari të Spezias. Një driblim alla-Ronaldinho, i cili ka bërë xhiron në rrjetet sociale. /R.Lika-Koha Jonë/
Ahhhhhh Kristjan #Asllani… 🤤🤤🤤#InterSpezia | @Inter pic.twitter.com/31UjhuQTJF
— Lega Serie A (@SerieA) August 24, 2022
