Balla pret delegacionin e Emirateve të Bashkuara Arabe: Mirënjohje për ndihmën e dhënë familjeve të prekura nga tërmeti

Kryetari i grupit Parlamentar i PS-së, Taulant Balla priti këtë të hënë, një delegacion të Emirateve të Bashkuara Arabe të kryesuar nga Dr.Muhamed Kamil Muini, President i Institutit Ndërkombëtar për Diplomaci Kulturore. Balla vlerëson mbështetjen e Emirateve të Bashkuara Arabe për ndihmën e dhënë familjeve të prekura nga tërmeti si dhe bashkëpunimin e shkëlqyer mes dy vendeve. Gjatë takimit, deputeti socialist vlerësoi bashkëpunimin e shkëlqyer midis Shqipërisë dhe Emirateve të Bashkuara Arabe edhe në Keshillin e Sigurimit të OKB

Postimi i plotë i Taulant Ballës

“Kënaqësi të mirëprisja në Kuvendin e Shqipërisë një delegacion nga Emiratet e Bashkuara Arabe të kryesuar nga Dr.Muhamek Kamil Muini, President i Institutit Ndërkombëtar për Diplomaci Kulturore.

Shqipëria i është mirënjohëse Emirateve të Bashkuara për ndërtimin e 2000 apartamenteve tepër cilësore për familjet e prekura nga tërmeti i 26 Nëntorit 2019, dhuratë nga Sheikh Mohamed bin Zayed bin Sultan al Nahyan, Princi i Kurorës së Abu Dhabit dhe Zëvendës Komandant Suprem i Forcave të Armatosura të EBA për popullin shqiptar dhe qytetin e Durësit.

Gjatë takimit vlerësova bashkëpunimin e shkëlqyer midis Shqipërisë dhe Emirateve të Bashkuara Arabe edhe në Keshillin e Sigurimit të OKB. Do të intensifikojmë kontaktet në kuadër të diplomacisë parlamentare.