Bujar Asqeriu: Nuk e di përse paguhet Ministria e Kulturës 

Aktori i njohur Bujar Asqeriu i ftuar në “360 Gradë” në Ora News, tha se ndërtesa e Teatrit Kombëtar është lënë qëllimisht si një lebrosë në mes të Tiranës me qëllim për ta rrafshuar nga ata që i kanë vënë syrin.
Asqeriu: Ministria e Kulturës 3 km larg nga Teatri Kombëtar nuk di çdo të bëhet me këtë teatër. Këta nuk dinë kanë ndonjë lekë në xhep apo nuk kanë. Këta nuk dinë asgjë. Për çfarë paguhen këta? Ai nuk di se çfarë do të bëhet nesër me teatrin. Jo të ulurish, por të përmbyset bota. Më vjen keq që ju nuk jeni aspak transparent. Teatri kombëtar u la me qëllim si lebrose në mesë të Tiranës që ata që i kanë vënë syrin ta rrafshojnë.

Teatri sot të vjen për të qarë. Pse Teatri Kombëtar të vete tek Turbina? Çfarë do të bëhet me këtë vend ku janë lënë kockat? Me artdashësit? Revolta ime është kjo; për çfarë i merr rrogat Ministria e Kulturës?