Ja zonat ku pritet dëborë dhe acar

Duket se dimri ka hyrë me temperatura mjaft të ulta në zona të ndryshme të Shqipërisë.

Sipas parashikimit të sinoptikanëve, pothuajse i gjithë territori i Shqipërisë do të dominohet nga mot i kthjellët, por shumë i ftohtë.

Ndërkohë, orët e para të së dielës mbeten me vranësira dhe reshje të pakta dëbore në zonat Lindore dhe Juglindore ndërsa pjesa tjetër e vendit kalon kryesisht e kthjellët.

Metoalb, njofton se Shqipëria dominohet nga mot kryesisht i kthjellët por shumë i ftohtë pasi temperaturat e ajrit do të luhaten nga -5 / -6°C mëngjesi në zonat e thella në Veri deri në 10 / 11°C maksimumi në zonat Jugperëndimore.