Protestë në Pogradec, banorët kundër projektit: S’duam rrugë të re

Bashkia e Pogradecit ka nisur ndërhyrjen në periferi të qytetit pas përmbytjeve. Projekti kundërshtohet nga banorët e Vërdovës, pasi hapja e një rruge te re, 1.5 metra, prek avllitë dhe urat që përdorin për të hyrë në banesa. Banorët kërkojnë që në vend të ndërtimit të rrugës, ndërhyrja të përqendrohet në thellimin e shtratit të lumit dhe pastrimit të skarpateve.

“Tani e kundërshtojmë se duan të hyjnë 1.5 metra”.

”S’duam rrugë të re në anën tjetër se rruga në anën tjetër nuk bëhet tamam se ka shumë ndërtesa. Të pastrohet lumi se është lumë i gjerë, por këta s’e kanë sistemuar”.

”Urat i kemi prapë kështu siç janë. Si do të kaloj unë me 1.5 metra me të sëmurë e të paralizuar? Ku do të futem? Të sistemohet lumi”, shprehen disa prej banorëve.