Rektori Koni: Faktori ndërkombëtar nxiti rrëzimin e komunizmit

Rektori i Universitetit të Tiranës, Mynyr Koni ka deklaruar se faktori ndërkombëtar ka luajtur një rol të rëndësishëm në tranzicionin shqiptar, qoftë tranzicioni politikë, qoftë ai ekonomik dhe shoqëruar.

Në aktivitetin e organizuar nga OSBE-së për rolin e faktorit ndërkombëtar në tranzicion, Koni tha se një vend të rëndësishëm ze edhe BE dhe NATO, në përfshirjen e Shqipërisë në proceset euroatlantike.

”Do të theksoja rolin e faktorit ndërkombëtar në rënien e sistemit dictatorial në Shqipëri. Faktori ndërkombëtar nxiti efektin domino për rrëzimin e regjimeve komuniste në Ballkanin Perëndimor përfshirë edhe Shqipërinë”,-tha Koni.

Si drejtim i dytë mund të përmendet roli i faktorit ndërkombëtar për tranzicionin politike, ekonomik shoqëror dhe ushtarak të shoqërisë shqiptare drejt modeleve të shoqërive demokratike Perëndimore.