Shkatërrohet banda e grabitësve shqiptarë, vidhnin flori dhe para cash

Një tjetër bandë kriminale shqiptare me aktivitet në grabitje banesash është shkatërruar nga policia italiane.

Brenda një muaji, kjo bandë kishte kryer mbi 25 grabitje në provincën e Komos dhe Lekos, me një vlerë prej më shumë se disa qindra mijëra euro.

Vetëm gjatë një grabitje të kryer në vilën e një biznesmeni në komunën Dongo të Komos, objektet e vjedhur kanë kapërcyer vlerën e 100 mijë euro.

Tre anëtarët e bandës të vënë nën pranga janë M.L 32 vjeç, M.E 26 vjeç dhe G.E 36 vjeç. Ata jetonin në Itali pa leje të rregullt qëndrimi.

Baza operative e tyre ndodhej në një apartament të vogël në komunën e Lekos.

Banda vepronte kryesisht në orët 17-19 të mbrëmjes e në grabitjet që kryenin ishin interesuar për objekte të çmueshme, flori e para cash. Rrallë grabisnin objektë me vlerë elektronike e teknologjike.

Hetimet e policisë italiane në shkatërrimin e kësaj bande kanë nisur pas arrestimit në muajin gusht të një shtetasi shqiptar, i cili ishte në kontakt të vazhdueshmë me 3 shqiptarët e arrestuar.

Akuza ndaj tre të arrestuarve është pjesëmarrje në aktivitet kriminal e grabitje.

/Ora News