Zgjedhjet lokale, Balla: Jemi bërë gati të fitojmë 61 bashki, do marrim edhe Shkodrën

PS dhe PD kanë dalë me raporte të ndryshme për Reformën Territoriale. Në prezantimin e draftit në seancën e kësaj të hëne në Kuvend. Në fjalën e tij, kreu i grupit parlamentar të PS-së, Taulant Balla tha se ata do të fitojë në 61 bashkitë e vendit.

”PD-ja ka qeverisur në 17 bashki nga 2015 deri në 2019. Pra në këtë analizë ju nuk keni pasur mundësinë reale, PS-ja qeveris në 60 bashki dhe me 14 maj jemi bërë gati të fitojmë 61 bashki. Do e fitojmë edhe Shkodrën se meqë dështoi ky i foltores.

Ka ardhur koha të kërkoni ndjesë për shpifjen që keni thënë për numrin e punonjësve. Nga 14401 kemi shkuar në 19 mijë. Ky numër është rritur. Reforma solli mirëadministrimin dhe ky ka qenë objektivi i komisionit të drejtuar nga kolegu im i ndjerë Bashkim Fino. Kemi synuar që themeli të jetë mirëqeverisja, ku indikatori i parë është të mbledhim më shumë të ardhura. Të ardhurat sot janë dy herë më të larta”,-tha Balla.