Ambasada Amerikane në Afganistan ka këshilluar qytetarët e saj që të mos shkojnë në Aeroportin e Kabulit, pasi situata duket tepër e rrezikshme.
“Për shkak të kërcënimeve të shumta të sigurisë jashtë portave në Aeroportin e Kabulit. Ne këshillojmë qytetarët amerikanë që shmangin udhëtimet në aeroport përkohësisht. Gjendja do të qëndrojë e pandryshuar deri në një urdhër të dytë”, tha Ambasada në njoftimin e saj.
Kjo deklaratë vjen 24 orë pasi Presidenti Joe Biden tha se nuk ka asnjë të dhënë se talebanët po ndalonin kalimin e lirë të amerikanëve dhe aleatëve të tyre nëpërmjet aeroportit të Kabulit.
Kujtojmë se në Aeroportin e Kabulit, që aktualisht është e vetmja portë dalëse nga Afganistani, ndodhen mijëra qytetarë, disa prej tyre janë larguar drejt vendeve Evropiane, ndërsa për të tjerët, pritet që të largohen ditët në vijim.
