Ambasadori gjerman në Shqipëri, Peter Zingraf, e ka cilësuar vendimtar procesin e reformës në drejtësi, në lidhje me anëtarësimin e Shqipërisë në Bashkimin Evropian.
Përmes një deklarate të postuar në faqen zyrtare të ambasadës gjermane, Zingraf thekson se është shumë e rëndësishme zgjatja e afateve të institucioneve të vetingut, në mënyrë që ky proces të përmbyllet sa më shpejt.
“Procesi i reformave në sektorin e drejtësisë është vendimtar për aspiratat e Shqipërisë lidhur me anëtarësimin në Bashkimin Evropian. Verifikimi i gjykatësve dhe prokurorëve është një element kyç në këtë kontekst. Ndaj për vendin është shumë e rëndësishme që mandati i institucioneve të pavarura dhe përgjegjëse të vetingut, i cili përfundon në qershor, të zgjatet, në mënyrë që procesi i verifikimit të përmbyllet sa më shpejt. Qeveria dhe opozita kanë përgjegjësinë e përbashkët për të rritur sundimin e ligjit duke u mundësuar kështu qytetareve dhe qytëtarëve shqiptarë të ecin më tej në rrugën drejt Bashkimit Evropian.“
