Carlo Ancelotti e nis me humbje aventurën e tij të dytë te Real Madrid. “Los blancos” u mundën në “Ibrox Stadium” përpara 13 mijë tifozëve nga Glasgow Rangers 2-1 me përmbysje.
Madrilenët vinin në këtë ndeshje me shumë mungesa dhe me një formacion të improvizuar. Të parët që do të kalonin në avantazh ishin spanjollët me brazilianin Rodrygo në minutën e 8-të.
Në pjesën e dytë Ancelotti bëri disa zëvendësime që ulën ndjeshëm ritmin e lojës së tyre. Sakala në fillimin e fraksionit të dytë dhe Itten firmosën përmbysjen e skuadrës skoceze.
