Talenti i Manchester United, Mason Greenwood, është arrestuar këtë të diel pasi akuzohet për përdhunim. 20-vjeçari, i cili është edhe pjesë e kombëtares së Anglisë, është pezulluar edhe nga skuadra e Manchester United. Hetimet vazhdojnë, ndërsa lojtari ndodhet në paraburgim.
“Policia është njoftuar këtë të diel për pamjet e një video në rrjetet sociale, ku një femër tregonte për dhunën e ushtruar ndaj saj. Një hetim ka nisur menjëherë mbi këtë rast, ndërsa një 20-vjeçar është vënë në pranga me dyshimet për përdhunim dhe sulm fizik. Ai ndodhet aktualisht në paraburgim, ndërsa do të merret në pyetje mbi këtë rast”, ka thënë një zëdhënës i policisë.
Gjithçka ka nisur këtë të diel pas publikimit të një video nga e dashura e futbollistit, e cila u shfaq në rrjetet sociale e gjakosur, duke pretenduar se ishte abuzuar nga futbollisti anglez.
