Autoritetet në Kosovë njoftojnë se në 24 orët e fundit janë regjistruar 12 raste të infektimit me koronavirus pas testimit të 2,676 mostrave.
Instituti Kombëtar i Shëndetësisë Publike bën me dije se po gjatë 24 orëve të fundit nuk është regjistruar asnjë viktimë.
Gjithashtu janë shëruar 182 pacientë ndërsa Kosova numëron 1,652 raste aktive.
Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 107,447 pacientë me Covid-19, nga të cilët 2,243 pacientë kanë humbur jetën.
