Barcelona ka dhuruar spektakël në miqësoren e parë ndaj Inter Miami duke fituar në shifrat 6-0. Aubameyang shënoi pas 19 minutash lojë, ndërsa 6 minuta më pas ishte Raphinha, i cili festoi golin e parë me Barcelonën.
4 minuta nga fundi i fraksionit ishte Ansu Fati i cili shënoi golin e tretë, ndërkohë që dhe në fraksionin e dytë do të ishte e njëjta tablo.
Në minutën e 55, Gavi gjeti rrugën e rrjetës, ndërkohë që pak më vonë Depay realizoi një super gol me një veprim të bukur në zonë. Dembele ndërkohë nuk e kishte thënë fjalën e fundit pasi do të realizonte një perlë nga distanca.
Të besuarit e Xavi-t do të luajnë testin e radhës më 24 korrik ndaj Real Madrid, në një “El Clasico” që pritet të jetë spektakolare.
