Ish-kryeministri Sali Berisha ka folur në Kuvend për aferën e inceneratorëve dhe ka akuzuar kreun e qeverisë, Edi Rama për përfshirjen e tij në këtë skandal.
“Mendon Rama se do shpëtojë nga flakët e inceneratorëve. Ka shumë këtu që përhapin lajme që ai nuk ka firmos. Ja ku i kam unë këtu dy vendimet e tij të paktën, që s’kam bërë ndonjë kërkim të madh, me të cilat ai është këmbëkryq mbi inceneratorët, i ka dhënë bonus 8% kompanisë që donte të fitonte.
Vendimi tjetër ka firma e tij, për përdorimin e fondeve buxhetore të organeve vendore për kompaninë e djegësve
Ju përpiqeni ta kaloni me komisione e stërkomisione dhe e përdorni për luftë të brendshme.
Këtu më i pari i të parëve në këtë aferë është Rama, është padiskutim ish-ministri Koka e shumë të tjerë”, tha Berisha.
