Giovanni Stroppa nga sot nuk është më trajner i Monzës. Silvio Berlusconi dhe Galliani kanë vendosur që të shkarkojnë strategun, që udhëhoqi ekipin e tyre drejt 5 humbjeve dhe një barazimi në 6 javët e para.
Në një shënim zyrtar, klubi “falënderon trajnerin për rrugën e ndjekur së bashku, duke kulmuar me promovimin historik në Serinë A” dhe më pas i uron trajnerit “sukseset më të mira profesionale për të ardhmen”.
Adriano Galliani, administrator i deleguar i Monzës, ka zgjedhur Raffaele Palladinon, pasues të Stroppës. Ai do të bëjë debutimin të dielën në duelin ndaj Juventusit.
