Kjo e dielë është dita e Ringjalljes së Krishtit për besimtarët katolikë. Mbrëmë në të gjitha kishat katolike të vendit u mbajt mesha e shenjtë e vigjiljes të Pashkëve, me ritet përkatëse.
Kjo është mesha e parë që zhvillohet në mesnatë pas 2 vitesh nën masat e pandemisë së Covid-19. Besimtarë të shumtë kanë mbushur Katedralen në Tiranë për të ndjekur meshën e shenjtë.
Kreu i kishës Katolike në Shqipëri, Imzot Arjan Dodaj, Arqipeshkvi Metropolit Tiranë Durrës, teksa përmendi të gjitha sfidat që jemi ndeshur vitet e fundit si tërmetin, pandeminë dhe luftën, ai bëri thirrje për të dashur edhe më shumë jetën në këto kohë të vështira.
