Në zgjedhjet e pjesshme vendore beteja kryesore do të jetë në Shkodër, ku nuk përplasen katër formacione politike si në bashkitë e tjera. Në Shkodër, përveç PS, PD së Berishës, PD së Bashës dhe LSI aty rol të rëndësishëm ka edhe PSD ose si quhet tashmë partia e Tom Doshit.
Ky i fundit mori në zgjedhjet e 25 prillit një deputet në Tiranë, çka ishte surprizë e madhe, por edhe në Shkodër partia e Tomës mori dy deputetë. Një histori e pabesueshme, por kështu ndodhi. Në zonat përreth qytetit të Shkodrës, Tom Doshi quhet si “mbret”. Edhe në qytet ka bastione,
porse në fshatrat, si dikur slogani i Mao Ce Dunit që “fshati të rrethojë qytetin”, edhe Tom Doshi pa e lexuar liderin historik kinez, e zbatoi në praktikë. Pra po deshe të shkosh në fshatrat rrotull qytetit të Shkodrës duhet të marrësh “leje” nga Tom Doshi.
Ndaj edhe në këto zgjedhje vendore për Bashkinë e Shkodrës ku një numër i madh votash merren përreth qytetit, duhet të vendosë Doshi se kujt do t’ia japë me 6 mars.
Nisur nga këto fakte ka mundësi që PS-ja të fitojë për herë të parë bashkinë e Shkodrës. Ose nëse Toma bën pakt me Berishën, atëherë kandidati i Saliut automatikisht fiton.
Pa i rënë anash kësaj historie elektorale, Bashkia e Shkodrës në situatën kur ndodhet PD-ja e përçarë dhe e copëtuar, fitohet vetëm nga votat e Tom Doshit.
Ish-deputeti iku nga parlamenti sepse fitoi por kur SHBA e paralajmëroi, Toma futi indietron dhe po shikon nongratën Berisha se ç’po heq këto muaj!
Ndaj Toma shijon nga jashtë parlamentit duelin Berisha- SHBA, që dihet se kush fiton!
As Rusia e Putin nuk guxon ti dalë para SHBA!
