Shtohet shqetësimi në Francë, rëndohet situata brenda aeroplanmbajtëses fole të koronavirusit

Ministria franceze e Mbrojtjes bëri të ditur se është rritur ndjeshëm numri i ushtarakëve të prekur nga koronavirusi në aeroplanmbajtësen “Charles de Gaulle”.

Sipas Florence Parly, më shumë se 1080 marinarë nga 2010 testime të kryera në bordin e mjetit lundrues kanë rezultuar pozitivë me koronavirus. 545 prej tyre kanë shfaqur simptoma, ndërsa 24 janë dërguar në spital.

Ministrja Parly bëri me dije se është ende e paqartë se kur ka qenë prezent virusi në anije, duke qenë se ajo ka bërë vetëm një ndalesë në mes të marsit në portin e Brestit.