Solli Covid-19 në SHBA? Gruaja: Si të shkatërrohet jeta nga teoritë konspirative

Maatje Benassi, rezerviste në ushtrinë amerikane dhe nënë e dy fëmijëve, është vënë në shënjestër të teorive konspirative, që e cilësojnë si personin që ka sjellë koronavirusin në Shtetet e Bashkuara të Amerikës. Kjo teori përhapet në YouTube çdo ditë dhe është “përqafuar” edhe nga mediat e Partisë Komuniste kineze. Diçka e tillë e ka kthyer përmbys jetën e çiftit amerikan, që thotë se adresa e shtëpisë së tyre është postuar “online” dhe profilet e tyre në rrjetet sociale u mbushën me mesazhe nga personat që i besojnë teorive konspirative.

Teoritë konspirative nisën të përqendroheshin te Maatje Benassi në muajin mars. Baza e tyre ishte pjesëmarrja e saj në Olimpiadën e Ushtrive, që u organizua në Wuhan, qytetin kinez që u bë epiqendër e koronavirusit. Maatje konkurroi në konkursin e çiklizmit atje, duke u përfshirë në një aksident që i la një brinjë të thyer. Kjo gjë ishte pikënisja e teorisë konspirative.

Jetojmë në një vend me lirinë e fjalës dhe autoritetet nuk mund t’ia mbyllin gojën Webb-it. Më thanë të gjenim avokat. E gjetëm por e kuptuam që për njerëzit e thjeshtë është shumë e vështirë që të nxjerrësh të vërtetën në dritë. U ankuam te YouTube, por edhe kur kompania pranon të fshijë një video, ajo video do disa ditë që të zhduket. Gjatë kësaj kohe, videoja bëhet virale dhe dëmi u bë. Më e keqja është se ato video postohen sërish në YouTube”.