Gra të vriten është një plagë e thellë e shoqërisë shqiptare. Gruaja e Tefik Tashit, i cili vrau me sëpatë kunatën e tij, 44-vjeçaren Alma Qevanin, ka hedhur poshtë lajmet që kanë qarkulluar, se mes tyre ka pasur lidhje.
“Nuk është aspak e vërtetë që ka pasur lidhje intime mes tyre. Nuk është e vërtetë që e ka bullizuar apo sharë. Ai ka sharë Almën gjatë sherrit edhe pse Alma nuk i ka kthyer asnjë përgjigje”, ka treguar ajo.
Ajo ka treguar se Tefiku ishte revoltuar se nuk i kishte hapur telefonin dhe se i kishte qëlluar me shpullë. “Ai i gjuajti me shpullë dhe më pas nxori sëpatën. E kishte fshehur në triko”, rrëfeu ajo në emisionin “Me Zemër të Hapur”. Ajo ka thënë se i kishte humbur telefoni dhe se në këtë mënyrë, komunikonin me telefonin e të motrës.
