Kjo mbledhje e Kryesisë së PD këtë të hënë, ka prodhuar lajme pa fund. Debati brenda selisë blu nuk ka të ndalur.
Një debat me tone të larta ka patur edhe mes Albana Vokshit dhe Orjola Pampurit. Kjo e fundit ka akuzuar Vokshin se i ka vënë kundër gratë e forumit të gruas, duke bërë komente fyese edhe në Facebook.
“Është baza që nuk të do, dega 11 të njeh mirë”, ka thënë Vokshi. Debati mes zonjave nuk nisi sot, por që kur Lulzim Basha mori vendimin për zgjedhje të reja në Lidhjen Demokratike të Gruas, aty ku prej vitesh Vokshi ka qenë kryetare.
