Opozita është drejt bashkimit për zgjedhjet lokale të 2023, por ende nuk është vendosur sesi do të dalin emrat. Deputeti i Partisë Demokratike, Flamur Hoxha thotë se mënyra më e mira është që kandidatët të dalin është përmes sondazheve.
“Një sondazh i pavarur, do ishte gjëja më e mirë, e cila do jepte realisht një votë apo pëlqim të qytetarëve. Ne kemi bërë një diskutim me aleatët, është një mënyrë e cila e bën pak më të thjeshtë për mos t’i dhënë autoritetin një vendimarrësi për të zgjedhur kandidatët. Nuk ka njeri që nuk e kupton, se kush janë njerëzit potencialë sot në Shqipëri”, theksoi ai për ”Euronews”.
Për të sfida kryesore mbetet ekzistenca e kësaj force politike, pas muajsh përplasjeje me dy grupimeve. Ndër të tjera, Hoxha shtoi se PD-ja nuk duhet të merret me emra të përveçëm, por të punojë për zgjedhjet vendore, rezultati i së cilës do vendosë shumë edhe për ato parlamentare.
