Dorëzohet Vuçiç, nuk përballon protestat. Qeveria serbe ka vendosur të heqë dorë nga planet e saj për ndërtimin e një miniere masive litiumi. “Leja anulohet, Rio Tinto nuk ka më punë në Serbi”, deklaroi kryeministrja Ana Bernabic.
Ekzekutivi në Beograd u përball me një presion nga qytetarët të cilët dolën për javë të tëra në rrugë, duke protestuar ndaj projektit me vlerë 2 miliardë dollarë. Shqetësimi kryesor i tyre ishte ndikimi mjedisor i minierës së litiumit.
Gjiganti anglo-australian ishte duke zhvilluar këtë minierë në Serbinë perëndimore, në një përpjekje për të tërhequr investime të huaja dhe për të nxitur rritjen ekonomike.
