Borussia Dortmund vijon ecurinë e rezultateve pozitive në vitin 2023. Verdhezinjtë fituan 0-2 në “Bay Arena” përballë Bayer Leverkusen, duke siguruar triumfin e tretë radhazi.
Karim Adeyemi kaloi Dortmundin në avantazh në minutën e 33-të. Sulmuesi i kombëtares gjermane mori një asist nga Julian Brandt dhe gjeti golin e parë sezonal në Bundesliga.
Edmond Tapsoba shënoi gabimisht në portën e tij në minutën e 53-të, duke i dhuruar ekipit udhëtues avantazhin e dyfishtë.
Me triumfin e sotëm, Dortmundi është ngjitur në kuotën e 34 pikëve, tri më pak se Bayerni kryesues.
