Kreu i Departamentit për Kufirin dhe Migracionin, Eduart Merkaj, thotë se në vitin e fundit në Shqipëri janë futur rreth 11 mijë emigrantë të paligjshëm, 50% e tyre janë përsëritës.
“Rreth 11 mijë shtetas të huaj që janë të evidentuar, të përpunuar, disa janë me urdhër largimi, ose azil, 50% e tyre janë përsëritës. Ato që marrin urdhrin e largimit dhe prap kapen në kufirin e gjelbër. Kemi përballuar 2019 që u përballëm me një fluks shumë të madh dhe na mësoi dhe jemi më të përgatitur. Të gjithë kërkojnë azil dhe ne u bëjmë procedurat, por nëse shohim nuk i gjen më Shqipëri. U japim azil në Tiranë, pas një jave i gjejmë në Kukës për të shkuar në Kosovë”, tha ai në Report Tv.
