Italia nuk mundi që të siguronte një biletë për në Kupën e Botës, që do të zhvillohet në Katar gjatë këtij dimri. Axurrët në këtë mënyrë për herë të dytë radhazi nuk do jenë pjesë e eventit prestigjioz.
Gjatë periudhës së Botërorit, Italia po planifikon që të zhvillojë dhe teste miqësore që mund t’i shërbejë ekipit të Mancinit për të konsoliduar grupin.
“Mancini gjatë asaj periudhe do të ketë në dispozicion të gjithë lojtarët dhe do të zhvillohen dy miqësore. Do të zhvillojmë një miqësore në Tiranë kundër Shqipërisë dhe mund të ketë një mini-turne në vendet e Arabisë Arabia Saudite dhe më pas do vijojnë përgatitjet në Itali”, deklaroi kreu i federatës italiane të futbollit, Gravina. /Rozalb Lika-Koha Jonë/
