Fernando Alonso ka nënshkruar një kontratë të re me Aston Martin Aramco Cognizant F1 Team. Gjithçka do të marrë jetë nga viti 2023, me pilotin e Formula 1 që e ka parë të arsyeshme që të mos garojë më me makinën Alpine.
“Jemi të kënaqur të konfirmojmë se dy herë kampioni botëror do t’i bashkohet skuadrës nga sezoni i ardhshëm me një kontratë shumëvjeçare” – Shkruan Aston Martin Aramco Cognizant F1 Team.
Ndërsa vetë Alonso është shprehur: “Unë i njoh Lawrence dhe Lance Stroll për shumë vite dhe është shumë e qartë se ata kanë ambicie dhe pasion për të pasur sukses në Formula 1.Kam parë sesi ekipi ka tërhequr sistematikisht njerëz të mëdhenj me origjinë fituese dhe jam bërë i vetëdijshëm për angazhimin e madh ndaj objekteve dhe burimeve të reja në Silverstone.Askush në Formula 1 sot nuk po demonstron një vizion më të madh dhe përkushtim absolut për të fituar, dhe kjo e bën atë një mundësi vërtet emocionuese për mua.”
