Për një mbarëvajtje të sigurt të situatës së finales së madhe të Conference League, e cila do të luhet në orën 21:00 në stadiumin “Air Albania”, Policia e Kosovës do të niset për në Tiranë në ndihmë të policisë shqiptare.
Zëdhënësi i Policisë së Kosovës, Baki Kelani, ka konfirmuar për Express se do të ndihmojnë efektivët e Tiranës për këtë finale.
“Referuar bashkëpunimit të ndërsjellët në mes të Policisë së Kosovës dhe Policisë së Shqipërisë, si dhe referuar ndeshjes sportive e cila pritet të mbahet sot, Policia e Kosovës do të dërgoj disa zyrtar policorë në Tiranë”, tha Kelani.