Ish-kryebashkiaku i PD-së për Bashkinë e Lezhës, Fran Frroku është dorëzuar në policinë e Lezhës, ku u shpreh se nuk ishte arratisur. Këtë të premte, Gjykata e Apelit në Shkodër e dënoi me 3 vite burg. Frrokaj dhe ish-kryetari i qarkut Gjok Ndoka u dënuan nga Apeli me nga 3 vite burg, ndërsa gjykata gjeti fajtorë edhe 15 zyrtarë e qytetarë të përfshirë në tjetërsimin e 234 mijë metrave tokë në bregdetin e Ranës së Hedhun në Shëngjin.
