Për një fjalë goje, vrasje nuk ka vetëm në Shqipëri. Një krim i rëndë ka ndodhur në Zonguldak, një qytet në Turqi. Një 17-vjeçar ka qëlluar me thikë në zemër të atin, pas një sherri banal mes tyre.
Mësohet se i riu e ka quajtur “idiot” vëllanë e tij 15-vjeçar, i cili ka dashur t’i hapë derën kur ka ardhur në shtëpi dhe për këtë ka nisur të debatojë me të atin.
“Kujt i thua idiot ti?”, iu drejtua viktima të birit dhe këtu nisi një debat i madhe që u shndërrua në sherr. Në gjaknxehtësi e sipër, 17-vjeçari mori thikën në dorë dhe e goditi të atin, fillimisht në zemër dhe më pas në ijë.
