6 ditë nga Milan-Lazio, që mund të shënojë dhe debutimin sezonal për Zlatan Ibrahimovic. Dueli ndaj Sarrit do të jetë dueli i parë i vërtet kundër një rivali direkt në kampionat, ndaj dhe do të jetë një test i rëndësishëm. Suedezi ndërkohë i duhet që të testojë gjurin, i cili e la jashtë Evropianit.
Me Giroud që është testuar pozitiv ndaj Covid-19, kundër bardhekaltërve mund të ketë hapësira për Ibrën. Mbetet të shihet vetëm nëse Pioli do ta rrrezikojë nga minuta e parë, apo do të luajë në fraksionin e dytë.
Rebic dhe Leao janë dy opsionet më të mundshme për ta nisur në majën e sulmit në këtë ndeshje. Brahim Diaz mbetet një garanci në sulm, pasi këto ditë është stërvitur në qendrën stërvitore në Milanello për të qenë në formën e tij më të mirë. /R.Lika-Koha Jone/
