30-vjeçari Mauro Icardi mbetet një futbollist i Gallatasaraj! Palët kanë arritur akordin me klubin turk që është gati të paguajë kartonin e argjentinasit për ta mbajtur përfundimisht në skuadër. Drejtuesit kanë menduar ta rikthejnë në Stamboll sulmuesin dhe t’i paguajnë 10 milionë euro Paris Saint Germain-it. Palët kanë gjetur gjuhën e përbashkët për kushtet e kontratës dhe me shumë gjasa brenda kësaj jave, Icardi do të mbërrijë në Stamboll për të firmosur.
