Interi në këtë fazë të sezonit ka vendosur që të qartësojë të ardhmen e disa prej futbollistëve kryesor. Drejtuesit zikaltër kanë nisur fushatën për të blinduar lojtarët e rëndësishëm për sezonin tjetër.
Sipas La Gazzetta dello Sport, në fakt, angazhimi i radhës në agjendën e Beppe Marotta është rinovimi me Milan Skriniar. Mbrojtësit i skadon kontrata në vitin 2023.
Klubi zikaltër ka një ofertë prej 4.5 milionë eurosh në sezon, njësoj Barella. Në ditët në vijim mbrojtësi sllovak mund të hedh firmën mbi kontratë.
