Një nga futbollistët më të kërkuar nga Juventusi gjatë verës ishte ylli i Liverpoolit, Roberto Firmino, por në fund nuk u arrit një marrëveshje. Mediat italiane raportojnë se klubi torinez do të këmbëngul për sulmuesin verën e ardhshme.
Kontrata aktuale e 31-vjeçarit brazilian me Reds skadon në fund të sezonit, që do të thotë se Firmino mund të bëhet një lojtar i lirë këtë verë. Për lojtarin do të luftojnë skuadra të tjera.
Gjithsesi nuk do të jetë aspak një mision i thjeshtë pasi Liverpooli dëshiron të rinovojë dhe shumë shpejt mund të ketë lajme për këtë aspekt. Këtë sezon, Firmino është golashënuesi më i mirë i ekipit me 8 gola dhe 4 asiste.
