Vendimi detyrues ndaj studentëve që nuk mund të futen në auditore pa bërë vaksinën ka sjellë reagimin e mijërave prej tyre.
Sot kontrolli ishte i rreptë në shumë fakultete sikurse pati disa fakultete që u detyruan nga presioni i studentëve që ti lejonin të futeshin në mësim, edhe pa vaksinë.
Ndërkohë kryeministri insiston përsëri këtë të hënë në darkë në një emision televiziv se nuk duhen lejuar studentët të pa vaksinuar.
Por komisioni i studentëve ka vendosur se duke filluar nga dita e martë datë 19 tetor çdo ditë në ora 10.00 te sheshi “Nënë Tereza” do të protestojnë kundër vaksinimit të detyrueshëm.
