Jakup Krasniqi heq dorë nga mandati i deputetit!

Kryetari i Këshillit Kombëtar të Nismës për Kosovën, Jakup Krasniqi ka vendosur të heqë dorë nga mandati i deputetit në Kuvendin e Kosovës.Në një postim në faqen e tij zyrtare në rrjetin social “Facebook”, Krasniqi falënderon të gjithë ata që e besuan që nga viti 1992.

“Tërhiqem nga deputeti i Kuvendit, për t’i liruar vendin një deputeti tjetër. Përveç motivit të përgjithshme për tu marrë me politikë, për të kontribuar për vendin me përvojën e fituar nder vite, mbetja në politikë apo ambicie politike për motive personale nuk kam, pasi në ketë plan kam realizuar më shumë sesa kam synuar.

Sigurisht që nuk do të nguroj t’ia ofroj përvojën time politike ta vë në shërbim të qytetarëve dhe subjektit politik – NISMA për Kosovën. Ketë nuk do të nguroj ta bëjë derisa te me punoj mendja dhe shëndeti.”- thekson Krasniqi