Kapet me armë zjarri, policia e Kosovës arreston kreun e Partisë së Serbëve

Kosova E Mërkurë, 26 Maj 2021 06:21

Policia e Kosovës ka arrestuar kreun e Partisë së Serbëve në Kosovë Aleksandër Jabllanovic, pasi është kapur me armë zjarri me vete. Lajmi për arrestimin e tij konfirmohet nga shefi i Operativës në stacionin e veriut në Mitrovicë, Zhelko Bojic për ‘KosovaPress’.

Sipas Bojic, deri më tani nuk ka shumë informata në lidhje me këtë rast, por vetëm mund të konfirmohet se tek ai është gjetur një armë e zjarri.

Versioni i parë i Policisë është se ai ka qenë duke pirë kafe afër një karburanti dhe ka hasur në një grup personash duke vendosur postarë zgjedhorë që janë kundërshtarë të partisë së tij.