Mustafa: Bie numri i kosovarëve me ISIS, vetëm 70

Kryeministri i Kosovës, Isa Mustafa ka bërë të ditur se numri i kosovarëve që po luftojnë në Siri dhe Irak përkrah terroristëve të ISIS, ka rënë në më pak se 70.

Shifër kjo, e krahasuar me rreth 300 të tillë që kanë qenë gjatë viteve të fundit atje.

Sipas tij, është një keqkuptim dhe paragjykim që Kosova të identifikohet me lumenjtë e emigrantëve nga Siria, Iraku dhe Afganistani, pasi sipas tij, gjatë dhjetorit të vitit të kaluar vetëm pesë qytetarë të Kosovës kërkuan azil në Bashkimin Evropian.