Kryetarja e LSI-së, Monika Kryemadhi zhvilloi këtë të premte një takim me stukturat në Durrës, ku tha se votimi i Ardian Mukës në zgjedhjet e së dielës, është një mundësi që Durrësi të marrë frymë lirisht.
”Durrësi këtë të dielë i jep fytyrë të re qytetit duke votuar kandidatin Ardian Muka. Qytetarët durrsakë do të zgjedhin më të mirën për familjen, biznesin, punësimin e tyre. Duke votuar Shtëpinë e Lirisë, i gjithë Durrësi merr fyrmë lirisht dhe qyteti i kthehet qytetarëve të tij”,-shkruan Kryemadhi në facebook.
Në zgjedhjet e pjesshme janë 6 bashkitë e vendit si: Durrësi, Vora, Rrogozhina, Lushnja, Shkodra dhe Dibra.
