Priyanka Chopra merr çmimin “Nënë Tereza” për bamirësi

Priyanka Chopra është një prej personaliteteve që ka marrë këtë dhjetor çmimin “Nënë Tereza” për drejtësi shoqërore. Chopra e ka pranuar çmimin për shkak të ndihmës së saj në Siri, vizitës së saj atje ku edhe takoi refugjatët dhe dëgjoi për nga afër vuajtjet e tyre.

Chopra njihet për aktivitetet e filantropisë dhe është Ambasadore e vullnetit të mirë në UNICEF. Chopra është 35 vjeçare, ndërsa çmimin e ka marrë nëna e saj e cila ka treguar se është krenare për vajzën e saj dhe për humanizmin që ajo ka treguar.

“Qëkur ishte fëmijë, Priyanka ka qenë shumë e dhënë pas Nënë Terezës. Ajo gjithmonë e ka ditur se sa më shumë të japësh, aq më shumë do të marrësh”, ka thënë Madhu Chopra, nëna e Priyanka Chopra. Chopra është zgjedhur më e bukura e botës në vitin 2000.