Presidentja e Kosovës, Vjosa Osmani është takuar me përfaqësuesin e BE-së për dialogun Kosovë-Serbi, Mirosllav Lajçak. Takimi është zhvilluar në New York. Osmani ka përmendur nevojën për heqjen e masave ndëshkuese të BE-së ndaj Kosovës.
Vetë Lajçaku ka thënë në një postim në rrjetin social X, të njohur më parë si Twitter, se është pajtuar me Vjosa Osmanin që të vazhdojnë diskutimet në këtë temë.
Kurse Albin Kurti e ka akuzuar Mirosllav Lajçak për qasje të njëanshme, në përputhje me qëndrimet e Serbisë. Blloku evropian dhe SHBA i ka konsideruar akuzat si të pabaza.
