21 adoleshentët në një klub nate, kush i vrau? Ngjarja tragjike ka mbërthyer tërë Afrikën e Jugut. Spekulimet kanë lënë pikëpyetje të shumta pa përgjigje. Incidenti po hetohet nga autoritetet, por ajo që dihet deri tashmë është se ngjarja u zbulua të dielën rreth orës 04:00 të mëngjesit.
Pas mbërritjes në vendngjarje autoritetet gjetën 17 trupa të pajetë brenda klubit. Katër të tjerë ndërruan jetë në spital, ose teksa transportoheshin atje. Të gjithë ishin adoleshentë. Viktima më e re ishte e moshës 13-vjeçare.
“Daily Dispatch”, një media afrikano-jugore raportoi se adoleshentët po festonin fundin e provimeve në shkollë. Trupat e tyre u gjetën të shpërndara nëpër tavolina, karrige dhe në pistën e vallëzimit. Asnjë prej tyre nuk kishte shenja të dukshme lëndimesh.
Pati zëra se adoleshentët vdiqën në një rrëmujë pasi rojet e sigurisë hodhën gaz lotsjellës ose sprej në një përpjekje për të shpërndarë klientët. Por kjo teori është përjashtuar.
