Nga janari i këtij viti e deri më tani, 6 persona janë ekzekutuar në Shkodër, dhe asnjë nga këto ngjarje nuk ka autor. Qarku i Shkodrës mbetet kampion për krimet e pazbardhura, duke krijuar frikë dhe terror në një territor ku duket se bandat kontrollojnë mbi shtetin.
Pak ditë pas vrasjes së të riut Erjon Xhenje, vijojnë të mbeten mister autorët e atentatit ndaj 19-vjeçarit.
Policia ka mundur të ndërtojë skemën e lëvizjes së autorëve të atentatit, të cilët me anë të një motorçiklete, të maskuar, u afruan pranë 19-vjeçarit dhe e qëlluan me 5 plumba në gjoks, për t’u largua më pas në lagjen “Guerrile”, ku dogjën motorin dhe armën tip pistoletë.
Kush po vret në Shkodër?
