Robert Lewandowski edhe pse ka luajtur në tri ndeshje të fazës përgatitore me Barcelona-n, tashmë ka bërë dhe prezantimin zyrtar në Camp Nou para publikut të ri.
Polaku mbante të veshur fanellën me numrin 9-të, të cilën deri më tani e mbante Depay, por mesa duket holandezi pritet të largohet. Lewandowski është shoqëruar në fushë nga presidenti Joan Laporta, i cili ka falënderuar drejtorin sportiv Mateu Alemany dhe vetë sulmuesin, por në mënyrë të pazakontë edhe menaxherin Pini Zahavi për mbylljen e operacionit.
Gjatë prezantimit të tij, Lewandowski ka entuziazmuar tifozët duke imituar gjestin e famshëm të Ronaldinho-s, duke e mbajtur topin në mënyrë spektakolare.
Robert Lewandinho! 🤩 pic.twitter.com/sNzcJbhPoW
— FC Barcelona (@FCBarcelona) August 5, 2022
