Partizani ka fituar me rezultatin 1-2 ndeshjen e radhës në kampionat të cilën duhet ta kishte në transfertë përballë Erzenit, por që e luajti në fushën e tij, pasi shijakasit nuk kanë për momentin një stadium.
Cara kaloi të tijët në avantazh në minutën e 27 të takimit dhe dalja me të kuqe e Kahrimanovic në fund të pjesës së parë, duket sikur e mbylli historinë e këtij takimi.
Erzeni nuk ishte dakord me këtë rezultat. Në minutën e 64, pasi përfitoi nga një përgjumje e mbrojtjes së Partizanit, Meçja realizoi një gol shumë të bukur çka komplikoi ndeshjen për të kuqtë.
U desh një goditje nga këndi në minutën e 90 që Partizani të gjente sërish avantazhin dhe të mbyllte historinë e këtij takimi.
