Policia e Tiranës ka vënë në pranga 5 persona, të cilët dyshohet se për një kohë të gjatë kanë hedhur në treg sasi të konsiderueshme eurosh të dyshuara si të falsifikuara.
Në kuadër, të operacionit “Money Scam”, u arrestuan në flagrancë shtetasit E.P, 19-vjeç, E.H, 19 vjeç, L.K, 17-vjeç, Xh.Ç, 17-vjeç dhe A. H., 16 vjeç, për veprat penale “Falsifikimi i monedhave”, kryer në bashkëpunim dhe “Mashtrimi”.
Këta shtetas hidhnin në qarkullim nëpër subjekte të ndryshme tregtare, kartëmonedha të dyshuara të falsifikuara të prerjes 50 euro. Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.
